Қазақ жері ежелден-ақ түрлі ұлт пен ұлыстың бір шаңырақ астында тату-тәтті өмір сүріп келе жатқан мекені. Бұл кең байтақ дала — тек қана қазақ халқының емес, онда тұратын барлық ұлттардың ортақ үйі.
Қазақстанда 130-дан астам ұлт пен ұлыс өкілдері бірлік пен ынтымақта тіршілік етеді. Олар өз мәдениетін, тілін, дәстүрін сақтай отырып, қазақ халқының қонақжайлығымен, кеңпейілділігімен үндесіп, бейбіт өмір сүруде.
Ұлттар арасындағы достық — біздің басты байлығымыз. Ол — тұрақтылықтың кепілі, болашаққа сенімді қадам басудың негізі. Бүгінгі таңда мектептерде түрлі ұлттардың балалары бір партада білім алып, бір-бірінің мәдениетін танып, сыйластықта өсіп келеді.
Қазақ халқының даналығында «Бірлік бар жерде тірлік бар» дейді. Осы қағиданы ұстана отырып, біз ұлттар достығын сақтап, оны одан әрі нығайтуымыз керек. Өйткені бейбітшілік пен келісім — кез келген елдің гүлденуінің басты шарты.
