ҚАЗАҚСТАН – ДЕМОКРАТИЯЛЫҚ, ЗАЙЫРЛЫ, ҚҰҚЫҚТЫҚ ЖӘНЕ ӘЛЕУМЕТТІК МЕМЛЕКЕТ

Қазақстан Республикасы – демократиялық, зайырлы, құқықтық және әлеуметтік мемлекет. Бұл қағида – еліміздің басты құндылықтары мен даму бағытын айқындайтын берік тұғыр. Демократиялық мемлекет ретінде халық – биліктің қайнар көзі. Әр азаматтың пікірі маңызды, таңдауы құрметке лайық. Зайырлы мемлекет ретінде ар-ождан бостандығы мен рухани еркіндікке кепілдік беріледі. Құқықтық мемлекет ретінде заң үстемдігі қамтамасыз етіліп, әркімнің құқығы қорғалады. Әлеуметтік мемлекет ретінде халықтың әл-ауқатын арттыру, тең мүмкіндіктер жасау – басты міндет. «Жаңа Конституция» – әділдік пен жауапкершілікке негізделген қоғам қалыптастыру жолындағы маңызды қадам. Әр азамат заңды құрметтеп, ел дамуына өз үлесін қосқанда ғана қуатты, біртұтас Қазақстанды бірге құрамыз. Біздің күшіміз – бірлікте, болашағымыз – заң үстемдігінде!