«ПРЕЗИДЕНТ ШЫРШАСЫ» ШЫМКЕНТТЕ
Шымкент қаласында Қазақстан Республикасының Президенті Қасым-Жомарт Тоқаевтың атынан мектеп оқушыларына арналған жаңа жылдық шырша тойы тойланды.
Еліміз бойынша бір мезгілде өткен шара «Жаңа Қазақстан – бақытты балалық шақ мекені!» деп аталды. Оған қала әкімі Мұрат Әйтенов қатысып, балғындарға Мемлекет басшысының құттықтау хатын оқып берді.
Бұдан соң Мұрат Дүйсенбекұлы оқуда, спортта, шығармашылықта және қоғамдық өмірде жетістіктерге жеткен дарынды 9 бен 13 жас аралығындағы 300-ге жуық балаға Президент сыйлығын тапсырды.
Жаңа жылдық ғажайыптар еліне саяхаттаған балалар танымал мультфильмдердің және халық ертегілерінің кейіпкерлерімен танысып, олармен ойын ойнады, ән айтып, би биледі.
Аяз ата, Ақшақар, 2023 жылдың символы – Қоян, музыкалық сүйемелдеумен танымал мультфильмдердің кейіпкерлері, аниматорлар, балалар шығармашылық ұжымдарының қатысуымен хореографиялық, театрландырылған қойылымдар көрсетілді.
